تصهل خيول الشعر ..من فكر واحساس
ويصنف الهاجس .. جزيل المعاني
اسرج له الطاروق ..وتزيد الانفاس
واطلق عنان الشعر .. واسرج حصاني
واحكم قوافيها على .. قب الافراس
ويلاعب المعنى .. سهيل اليماني
شاعر ولي في قمة الشعر .. مجلاس
واطوع الصعبه .. بسحر البياني
واصدح بشعر المدح .. من دون مقياس
واختار من جزل القصيد .. السماني
وارفع مقام الشعر .. عن حنة الياس
بالصف الاول .. كان به صف ثاني
وشاش المطيري .. والمخاليق نعاس
قصده يترجم مالجا .. بالمحاني
ابيات شعر ٍ صاغها فوق ..قرطاس
ونقى بيوته عن .. هيال وطماني
في مدح من صيته .. جلا كل الاعماس
بالطيب اللي نوض برقه .. دعاني
خالد ولد عبدالعزيز .. اصعب الراس
مضرب مثل لأهل .. الوفا والتفاني
في خالد اللي سمعته .. لول والماس
حر ٍ .. تعلى واكتسح جو عقباني
مثله مع اهل الطيب .. قمه ونبراس
شيخ ٍ ولد شيخ ٍ .. عريب المجاني
نار ٍ تلظى لعالم ٍ .. تضرس اضراس
ويقول ذا وقتي .. وهذا زماني
حلحيل صاطي .. بالمواقيف مقباس
ريف الضعيف .. وحاتمي اليماني
ليث ٍِ قوي عزوم .. لادقت اجراس
كنه المنايا .. لاقسى الوقت باني
في يده اليمنى .. جيوش ٍ وحراس
وفي يده اليسرى .. عنان الحصاني
صمصام صارم .. فالميادين قرناس
تفخر به .. اجيال .. وربوع .. وعواني
هتان ياهداج .. يامعرب الساس
ياليعربي .. ياللي وفاك اكتساني
شوفك شفى .. ومصافحك منوة الناس
واشفق على شوفك .. بوقت ٍ هجاني
وتستاهل التمجيد .. والمدح نبراس
ولك جل تقديري ..وكل امتناني
والعيد ..قرّب وانبلج كل عرماس
وارفع لك ايات .. الفرح والتهاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.