ياخي تعبت من القلم والكتابه
ومن كثرة الاوراق بيني وبيني
أملى من آهاتي دفاتر ولابه
عين ٍ تفك احزانها غير عيني
كلْ ليله الهاجس يسري ركابه
ويلف بي الدنيا ويملى يديني
أجمع من العالم جروح وكآبه
وآهات واوجاع وهموم وأنيني
وآخذ من المظلوم نكهة عذابه
وخشوع ليل وتمتمة سجدتيني
وكفوف تدعي دعوةٍ مستجابه
يسري صداها في مسامع سنيني
يهديني اليتمان جور القرابه
وسهم ٍمن يديهم بصدره مكيني
حتى ندا الهيمان يملي جوابه
ومن المفارق دمعتين وحنيني
أتعب من اتعابي تضيق الرحابه
آنوخ ركابي وامسّح جبيني
وليا اشرقت شمسي كسرت الرتابه
وانفض يديني والأسى يعتريني
وانزّل حمولي بلطف وغرابه
على كتاب ٍماعجز يحتويني
واهديلها عنوان(صمت الغلابه)
واطرز البيضا(بنبرة حزيني)
واشكل الروعه بذوق ونجابه
وآزفها ليعون من يحتريني
واتفاجأ اني عايش ٍوسط غابه
وغيري من اللا شي ساكن عريني
يهملني العالم وانا اللي سرابه
وحيد ورياح الظمير اتحديني؟؟؟؟؟
لكن بهالدنيا تشوف الغرابه
من ياصل القمه رفعه العويني
ماهمني لو صار وقتي نهابه
متشبثٍ بالله وآحب ديني
يكفي ضميري لو رضا بالكتابه
ودعوة رضا لله من والديني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.