[[ جمهوريـــــــــــــــــة عشــق ]]

استبيحِيني . . وانا كلّي وطن
واسْكنيني . . من ورى حدب الظلُوع
 
 
مايْهمِّك مَن هو مَن قبلك سكن
انتي ( سِيدَة ) من سكن قبلك . . بطُوع
 
 
عَمرّيني . . لو على اطراف الجِفن
واهْدميني لا رَمَشت ابلا قنُوع
 
 
واضمِي مابي من ضمى .. يا ام الفتن
واشْبعيني شوق الى منّي اجُوع
 
 
شعبكي . . ماهزّته كُبر المِحَن
شعبكي من كثر حبّه والخضُوع . .
 
 
تدري ان لو حس في عينك حزن
يحزن لحزنك . . واحزانه ترُوع
 
 
وتدري ان لو شاف ان ليلك دكن
اوقد بنفسه لجِل عينك . . شمُوع
 
 
هذا شعبك . . كم بنالك من زمن
كم مدينه بالحشى وسط الربُوع
 
 
به مدينه . . كنّها جنّة عدن
فيهَا قصْرك شامخ وحوله دُروع
 
 
وبَه مدينه .. للمَواني والسُفُن
في بحُورك . . تِعلِن الرحلهْ شرُوع
 
 
وبه مَدينَه مابها الا الكفن
للعَذول اللي على العاشِق جزُوع
 
 
هذا عشق اللي من اول بك فتن
وهذا عِشق اللّي بدت شمْسَه سُطُوع
 
 
عَاشِقِك . . لجذور قلبهْ . . والغُصن
لايطيح الثمْرْ . . ولا تيبَس فرُوع
 
 
في سمَاكي ناوي يَروى من المِزن
شوفي وش سوّى . . لجل يَبدا الطلُوع
 
 
هَذا ( عِشق ) . . وذاك ( شَعبْ ) . . وذي ( مُدُن )
. . . مِن خلف الظلُوع