لبيه ياسحرا ملكت فؤادي
ثم اينعت منك الورود النقيه
ياطائرا بالحان الاشواق شادي
ياجمل هديه من رحيم البريه
انتي ودادي وانتعاشي ومرادي
اقضي معك لحظات عمرن بقيه
شاعر وطبعي في غرامي جهادي
يعني فديت عيون بنت اجنبيه
شدت على المعصم وشبت زنادي
والدمعه اللي من قبلها سخيه
جفت ونا راقي على راس وادي
اجاذب الونات والروح حيه
فيها اختصار لكل رايح وغادي
طفله لها بالقلب من مقدريه
ماقد يفوق احصاء بعض الروادي
من اخمص القدمين صدق وعطيه
مجبتن فوق النجوم البوادي
مادنسوها اهل القلوب الرديه
نادت ونا لبيت صوت المنادي
لبيك ياصوتا لحونه شجيه
احبها حب الحزن للحدادي
حب ابدوي يحتاج حضن ابدويه
انا وقلبي ثم كامل ودادي
تحت امرها من غير منه وسيه
غرامها غرام شخصن ريادي
يرقى السنود ومايخاف البريه
هي غصني الأخصر ونا طير شادي
بكتب جميع احروفي الشاعريه
لعيون من صارت غلاي ومرادي
اكتب جميع الاحرف الابجديه
اسوق حرفي والغرام اعتيادي
لعيونها هيه وهيه وهيه
ياشمعتن اضوت ليالي سوادي
ياغيمتن من جودها حاتمية
لانك وطن عمري لانك بلادي
عزيتك وحبيت فيك الحميه
الحب يتفاعل معي ارتدادي
مني اليها من غلاها اليه
بحضورها كل المخاليق عادي
في ذمتي تسوى بعيني سريه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.