صممتي الموضوع من غير تفكير
وتصميم شاعر يختلف عن مضامين
فيه ارتقاء الفكر ملموس للغير
فيه احتواء النزف قبل السلاطين
ياصاحبي ماانته على النايف تشير
وتحاول تغير في بعض الموازين
الشعر شعبي كان ودك بتفسير
ونا ملك شعب الشعر بالميادين
ونته وزير وفتنة الحرف وامير
تفخر بحرفك ياحبيبي شياطين
خلتني اعرف كيف اعامل هل الكير
ياحاملين المسك وين الرياحين
االي تعطر في حشا القاف تعطير
تعطي ولو جاروا عليها الغثيثين
انا انا والبيت هذا لتذكير
اهل النوايا التالفه فالهم شين
ونا الا مني كتبت باساطير
مجرد احساس لحبايب وغالين
ياصاحبي ماني بعربيد خمير
ولاني بمن يعبد تراب النساوين
احب تلعات الرقاب الغنادير
بنات قومن سطروا بالعناوين
ان الشريفه ماتبي زود تخدير
ون العفيفه تسكن الراس والعين
شاعر واقدر كل ناجح بتقدير
ممتاز يرفع من مقام الكريمين
ماني بلامجنون عبله ولا الزير
لاكن قلبي فيه كم طبع مو زين
ان حب حب بصدق وبدون تفكير
ومحبتي للكل من دون تقنين
ماني من اللي يفرش القلب تمتير
ويغير الموكيت له كل عامين
ياناس احب الناس من دون تاثير
مابي علاقه او غرام ومحبين
علاقتي بالكل جنحان مع طير
احمل رهيف الصوت لو هو مسيكين
فيني ولاء من قلب مليان تبشير
وماللعواطف عند نايف مثامين
احب لون الورده بحزة عصير
اذا اكتسى منها الشفق خوش تلوين
واتعب على حرفي بروعه وتسطير
من شان ماتزعل علي المجانين
انا بدوي قلبي يرفرف كما الطير
سايح ويتمشى رياض وبساتين
اشرب زلال الما ولا ادغثر البير
اقطف ثمار العز باللطف واللين
بي فوضويه ماتحب المحاذير
في كل وقت وساعه وحزه وحين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.