طاحت جمال ( مساجله )
لـ القاسميه، ، في غير مُحدد
طاحت جمال ( مساجله ) - القاسميه
أبروي قاع هاجوس المشاعر والقوافي كيلوانا لا من بغيت اكيل معْيِ اتوفّي الكيلهالا يافهيد ألي معنى وبرقا به لضلع طْويليالين يلوح براقه وتنشي لك مخاييلهولا من لاح براق المعاني رد ليلي ليلاباك اليا كشفت النور ما تطفي قناديلهأنا براس الطويله باتخفّر لين نجم سهيليحوّل من مكانه لجل اجيه اعدّل الميلهألي مده اشوف الجيل ينقص في حقوق الجيلواطبطب فوق كتف الوقت لين ان ضيّعه جيلهولا به شي يبطي غير من كبره سواة السيلولكن الفرج أبطى ولا حدر لنا سيلهعقول الروس في تال الزمان انحطها وانشيللو ان الوقت لظهور العرب تاسم غرابيلهتشكل لي بلاوي والبلاوي جات بالتشكيلعزومٍ هدها ماض الزمن واشقت مقابيلهابي رايك بعد شفت العرب تمشي ورا التطبيللو ان بليس مزماره يصيح لدق تطبيلهزهمتك للثقال وخابره مابعد حيلك حيلوابا منك الحلول وهقوتي في يدّك الحيلهيقولون العرب طاحت جمال ولا يطيح شعيليشيل الحمل لو الحمل كايد محدن يشيلهورد الشاعر فهيد الشهرانيهلا يا شرّد افكار النواعم مرهفات القيلهلا يا هاجسً عبر الفضاء شفنا مراسيلهمشاعر ناعمه لكن فيها من صهيل الخيلونفحات العبير وتجربة وقتٍ محاصيلهشقا نفسً عليها من تجاريب الليالي ميلوهمٍ روضة الخفاق صارت من مداهيلهتحرك هاجسً مده على راعيه مد بخيلولكن لا عطا مدات غيره عندي بخيلهاشوف الموجز اللي يغني العاقل عن التفصيلويعجزعنه عقلً ما كشف وشهي تفاصيلهالا يالقاسميه ما يفيد الضايع التخميللو ان كل العرب من ضيعته تزهم وتوميلهلبيب العقل بالتفكير يعرف وش ورا التبجيلوضعيف العقل يطمع في زمان كثر تبجيلهلمن قامت تسوقه في دهاليز الضياع الحيليلقحها الوهم واحلام نفسً ضعفها مهيلهلكن النور مايحجبه عن عين الصحيح الليلويبقى الحكم في وقت الشقا وشهي مداخيلهمجاديف السفينه في يدينً تعشق التقبيلمن اضعاف النفوس اللي كرامتهم على ميلهومن يبغى السنام تشوم نفسه عن جهام الذيلحياةً دون عزة نفس ولاّ دين وشهي له
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.