( مـاعاد يمدي ). لـ محمد الحشان

يامالك(ن) بالي وذا الفكر يوحيك

اسهر طوال الليل نومي جفاني

أرحم صويبن تله الشوق ليديك

في وصلك الي صار مثل الاماني

البعد سيفن شاغل افكار مغليك

ماهو بعدلن شوفتك بالثواني

يامنيتي ياهاجسي يوم أحاكيك

وتصد عني دوم صاير أناني

ماني من اللي دوم تزعل ويرضيك

أصبر على فرقاك وأمسك لساني

أنته نسيت القلب والقلب شاريك

( ماعاد يمدي) صرت أنا أنسان ثاني

نسيت أنا حبك وزولك وطاريك

من عقب ماحسيت طيفك عماني

عزاه يوم انك تبيني وأنا أبيك

واليوم قلبك فوق همي نساني

لا تحسبني طالب القرب راجيك

قلبي عزيزن يشري اللي شراني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

( مـاعاد يمدي )