ياهاجسي حضر. لـ ماجد الميزاني

ياهاجسي حضر - ماجد الميزاني

ياهاجسي حضر ونا ابابدع القاف
نبي نفتش في بقايا ملفي

مادام عدينا على راس مشراف
بكتب عسى خط القلم مايجفي

هذ الزمن قاسي وبسنينه عجاف
اليا عدل مشيه يدور ويلفي

الي يشيل الحمل مابين الاكتاف
ولياولع نوره يعود مطفي

الي على منهج رياجيل وسلاف
اليانخيته قام عقبك يكفي

انشد مع العالم عسى مابه خلاف
وراه عن لازم رفيقه يقفي

اوعد على عقب الشهر والشهر طاف
وانا انتظر منهم علوم تلفي

لاهنت ياسري قضينا من الكاف
يكفي نقاسي منه سر مخفي

شفنا من العالم بها جل ونحاف
ونحافهم تقصر عن همام كفي

القلب ولع نار من حر ماشاف
يالله عساها من لهبها تطفي

الهم في قلبي وهو ينزف انزاف
لاصار خله عقب شهر يزفي

اسرفت في حالي وتلفته اتلاف
والقلب عود من حقوقه مصفي

ومادام عدينا على راس مشراف
هذي خفيه من خفايا ملفي

ونهاية المشوار بنهاية القاف
مالله جابرني ب طرد المقفي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.