ودّي أشكي يلي أحبه وما يبادلني الشعور
هو صحيحن ما يحبني أوعلي ّ شاف حاله
هوَ صدقن مايبيني ولا هي نزعة غرور
أو يبي يحرقني الأول أو يعذبني بدّلاله
كل ما غازلته يغضب ومن كلامي هو يثور
ماادري مايفهم كلامي بالغزل عنده جهاله؟
كل من يسمع كلامي قال أبد ما به قصور
والله زين وزين والله طير طاير في خياله
دوم يعدل في عتابه إلا معي دومنٍ يجور
دوم يقسى دوم ينسى دوم تايه في سؤاله
يوم يحيرني بوصله بيوم يهجرني شهور
يوم عندي يكون جالس بيده يكتب لي رساله
يوم يحلف ما يبيني وبالهجر ينذر نذور
وبعدها ييجي ويصالح وينسى نذره يلي قاله
ظلمة أفكاره بتغرق فيها أنهار وبحور
وإن أجا يطلب سماحي العدو يبكي لحاله
يوم طاير من الفرح من السعاده من السرور
ويوم جاهم يوم ظالم يوم أنا أبكي بداله
طبعه يتغير ولا أدري في غيابه والحضور
حسّ إني دوم وحدي ودوم أشعر بالملاله
يلي يحلا لك عذابي ومابك إحساس وشعور
أرجوك حدد موقفك ولا تعيشني بضلاله
إن تبيني قول خلك وما أبي بحبك قصور
وإن تبي هجري فقلي إل مثلك نلاقي بداله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.