يا مرحبا يا هجوس الجزل يا حيه
أنا أتمناك يوم انك تمناني
اسكن بصدري لك القلب ومحانيه
والراس يفداك لامن جيتني عاني
ولامن سكنت وغدت الأبيات عفويه
أعلنت منهو يحب الجزل يقراني
من لطلسي.. للخليج ..الى شواطيه
(ضيدان منصور) هو الاول وانا الثاني
استغفر الله من الكبر ومواريه
لكن سعاطيري ايلا ششت تشعاني
تدرون.. احسن لي اني اغير النيه
وين انت ياللي سكنت القلب وحداني؟
شفني لفيتك وانا بأقصى السعوديه
" كنت أحسب انك ورى الخفجي تحراني "
احلم بشوفتك لو كنتي حياويه
القلب عطشان لك.. والصوت ما ارواني
اقبلت لك كلي اشواق ومحنيه
في ذمتي ذمه ان الحب سراني
وطفا علي موتري واكملت عبريه
هذا الدليل ان صوتك هز وجداني
حتى فهقت الجوازات الكويتيه
جيت أسألك.. وابغي تجاوب علشاني
وين أنت يومك مواعدني على الجية
لاتقولّي: أعتذر..ماهوب بأمكاني
العذر ما يشفي جروح الهواويه
ولو تعتذر عادني من جرحك أعاني
صدك ضربني على قلبي سواسيه
وأنا ادري أني لو ابي امنعك ما أمداني
أيَه.. بعاني لمن خليتني.. أيَه
وياني من أسباب صدك بنجرح ياني
لكن لا زلَ لي عام وحراويه
مصير الأشواق تطفي.. والعمر فاني
أخذيه من راسي المطنوخ يابنيه
والله ما يتبع المقفين (عرجاني)
من راح خله وتلقى في العرب زيه
قد قالها اللي على الطولات رباني
من يكرم الضيف ويعز الجلاويه
لاقلت أنا من عواله يرتفع شاني
يهون الكايدات.. ويدفع السيه
ويسهل المعضله.. ويزبن الجاني
وينوخ الفاسق اللي زاد في غيه
ويستر على الجار.. ويحامي على الداني
(ولو مات في ذمتي ما مات طاريه)
يقولها الناس.. ماهي هرجة لساني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.