يابحور المرجله والطيب قل اللي يعومك
وصار فعل الطيب والمعروف سلم اليوم بايد
ياظلام الليل ماتساعد على المسرى نجومك
والقمر غايب ومسرن فيك نكبات وهجايد
وضقت يالكون الوسيع وضاقبي ليلك ويومك
وكل ليل ويوم ضيق النفس والهم يتزايد
وخابت الهقوات وشتدت مع ظروفك سمومك
وسكرت كل الدروب اللي قبل معها نحايد
ولانخيت اهل المواقف بالشدايد مايلومك
غير راد الحظ معدوم المراجل والفوايد
نصها الطيب لو انه ماهو من ربعك وقومك
نصها اللي له علوم المرجله طبع وعوايد
نصها اللي لا وصلته ينتهي عنده لزومك
طيب السمعه عريب الساس والفعل الوكايد
طيب(ن)يفرح بافعل الطيب ويفز لقدومك
ويرتكي للحمل من دونك لو ان الحمل كايد
تنفرج باذن الله المعبود لاجيته همومك
صاحب المعروف والوقفات في يوم الشدايد
تاصله مضيوم وقت ولاتهنا الليل نومك
ومنه تمشي بالسعاده والفرح والعز عايد
زيد بن راجح لاضاقتبك من الدنيا هدومك
وغرك اللي واعدك وخلف مع الضيق الوعايد
ترفعك يمناه لاطاحت من الشده عزومك
ماتظام وزيد بن راجح الك ذخر وسنايد
اخر النخوات سلم عقبها امرك لاخصومك
وامتثل للامر ونس اللي كتبت من القصايد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.