غفت عينه وانا عيني .. تناظر شاشة الجوال
تواعدنا .. (الى منه صحى) .. يرسل لي رساله
تعبت وتعبت عيوني على الشاشة من .. التجوال
غصب دقيت واستهبل .. وقمت انشد عن احواله
فديت الصوت .. يالبيه .. كلي مع (الووهه) مال
أجل وش حالتي .. وآنا اسمع لحكيه و لاقواله
فديت الحرف لا داعب لسانه .. وانتشى .. واختال
وذوبني معه .. واموت انا لو شدّ مواله
واضمه في خيالي .. واحكمه مابين حاء ودال
ويتمادى خيالي .. لين تمسي حالتي حالة
واردد هو حبيبي لو يكون انه بعيد .. ولال
_ على غيري _ ولكنّه سقاني عذب منهاله
ويتباهى غروري .. كيف لا ؟! وآنا سكنت الجال
على قلبه .. وانا يكفي إذا مريت في جاله
هذاك اللي بدا حبه كبير ويكبر .. ولا زال
ويكبر لين مايوصل مكان ٍ صعب ميصاله
احبّه حيل .. لا والله .. احبّه مثل .. ماهو قال
أنا اكثر شي في الدنيا تحبينه ؟ واذا قاله ..
احس ال .. كون .. ما يوسع مقولة عن لسان الحال
واحس ال .. إيه .. تحكي عن لسان الحال .. شلاله
احبه موووت .. لكن موت .. فوق الموت ما ينطال
ماهوب الموت ذاك اللي .. ذبل .. في .. نغمة رساله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.