يامرحبا في حفل وافين الأشبار
أقولها باسم الرجال المناعير
ماحسبو في واجب الضيف مخسار
أهل الدلال الكايفات المباهير
يامرحبا ترحيب حشمه ومقدار
في مجلسن فيه الرجال المشاهير
غير الشحم والكيف والعود لادار
كلمة هلا نبدابها للمسايير
اللي لياجات المواجيب حضار
ماهمهم طول السفر والمشاوير
والله ياموسى يحيرن الافكار
وعما بقلبي ينقصن التعابير
الله يديم الك الفرح يابن الاخيار
وعساك ما تشكي صدوف المقادير
تستاهل الطالات يا نسل الاحرار
حرن شهر من عاليات المواكير
نهجت منهج مكرم الضيف والجار
جدك ولد سالم زبون المخاسير
يشب ناره مع مطاليع الأنوار
ونجره على صوته يجون المسايير
وأبوه سالم كنه الضلع سنجار
في ساعتن فيها تضيع التفاكير
جوه الجموع اللي على قحص الامهار
قدامهم شيخن يقود الطوابير
مافيهم اللي حاسبن ويش الاخطار
يشوقهم شوف البكار المغاتير
ووقف لهم دون المعاشير بيطار
وذبح زعيم القوم وأروى القناطير
وأثنين غيره لين ولو بالادبار
وراحو بعد طاح المجوخ مدابير
واليوم تاريخه للاجيال تذكار
حيثن له في صفحة المجد تقرير
وتوارثو مجده طويلين الأشبار
مشو على منهاج حام المظاهير
والله يديم الك الفرح يابن الاخيار
وعساك ما تشكي صدوف المقادير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.