[ليلة فرح]..!!. لـ عبدالمجيد أحمد

[ليلة فرح]..!! - عبدالمجيد أحمد

في ليلة فيها القمر شبّ ضوّه
شبّت طواري الشوق قلب المعنّا

مابين ليت/ وبين /لوّي ولوّه/
سرى ي بالشعر ثم غنّا

توّه حبيبي يطفي الضو توّه..
والشوق طاغي والعنا ماتونّا

أزريت لاقوى سلوّه
أفارقه منّا..وألاقيه منّا

أربع سنين عشتها في عنوّه
يا قدرة الله كيف الأربع قضنّا..!!

أتلى عهد به/قالوا أنْه ايتأوّه
وايدٍ بها الدمع الحمر وايد حنّا

مير الفرح ياهدوّه
معذور..وركاب الحزن وردنّا

ماكنت أصدق بان حلمي تشوّه
الين شفت الهم فوقه تثنّا

صحيح طاح الوصل بيدي عدوه
وافراقنا سنّ الغرابيل سنّا..

لكن مارضى اشارك الغير نوّه
يكفي أشوفه حي لجل أتهنّا..!!

يا/مورّد الخدين/يا اغلى منوّه/
ليت الأماني تستوي واتمنّى

وش حيلتي والوقت مابه مروّه
والحظ طايح والليالي قسنّا

تعبت أشوف الياس يزداد قوّه
والليل أشوفه يسرق النور منّا

أشتقت لك والشعر جا من علوّه
ودموع عيني يالغلا حدّرنّا

والعاشق اليا خالط الشوق جوّه
يسري على روس النوايف يونّا

هذا..وتوّ ان القمر شب ضوّه
وشلون أجل لو يطفي الضو عنّا..!!

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.