لابأس ياصدري من الضيق لابأس
اصبر وربي عند ضيقك يعيني
ضيقك ملك وهمومي القشر حرّاس
وشعاد لو تلزم يدينك يديني
ياصدري الطاهر حشا كل وسواس
حتي لو إن الحزن وسطك دفيني
ماضاقت الدنيا ولا ضاقوا الناس
ربي ولي العرش وحده عويني
ابدأ بذكره كل ماهب نسناس
دايم وانا باإللي خلق مستعيني
والصبر حكمه والعنا تاج الإفلاس
واطيب مكاسيبي رضى والديني
سعادةً ماتنتقيّس بمقيااااس
وإلا الحزن له موجتن تعتريني
والبارحه هوجست بالفكر هوجاس
والنوم حاربني وعيّا يجيني
قمت انظم القيفان نظم بالإلماس
مع كل قاف احس حرفه حزيني
من وين احصّل يالرجاء فرقة اليأس
اليأس مافارق ضميري وعيني
أيست من صدق المشاعر والإحساس
والخافي اللي بالحشاء مايبيني
يعكس مدى صدقي خبيثين وانجاس
وارجع واحط اليأس بينه وبيني
وأيست من ضحكت غدر كل بلأس
مابيه دامه كاذبً مايبيني
صداقته غضه ولاهي على ساس
تطير مع مر الزمن والسنيني
امحق صداقه مثل خطٍ بقرطاس
لا رشها رش المطر ماتبيني
وأيست انا وأيست ياقلعة اليأس
تعال قرّب يالرجاء من يديني
بعيش بك لحظات وآخذ بك انفاس
حتى استعيد العافيه واوكسجيني!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.