ياكثر ماحبك. لـ ولايف

ياكثر ماحبك - ولايف

ياكثر ماحبك وياكثر ماهواك
تمر لحظاتي وتكبر غلاتك

ياكثر ماأشتاق واتوق لشفاك
معذور قلبي دام هذي شفاتك

ياكثر ماحلم يوم اشوفك والقاك
واضمك بقلبي وتنساه ذاتك

ياكثر ماتناسى جروحك وجفواك
وقول خذها روحي اليوم جاتك

ياكثرها الاحزان لا حل فرقاك
وياكثرماني مغرمن في صفاتك

اموت لامرت طيوفك وذكراك
واحيا بصوتك واعتراف امنياتك

واذوب في كلمة احبك وابغاك
لا قلتها تحلى حياتي وحياتك

لاقلت احبك قلت لي روح تفداك
واطير مع همس الحكي من فراتك

ويتبسم احساسي ويهتف بلولاك
ماكان شوق الروح نادته ذاتك

هذا وهي كلمة احبك واهواك
وشلون لو تلمس شفاتي شفاتك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.