عاصفة مطير ... لـ الانصآف !!

ياسلامن ابتدا لكل قاري لي بدا وكل خافي لو بدا ينتبه منهو وصَل
واسمحولي يالحضور الشعر مني يثور وبشعور ولاشعور جبتها للطيبين
قلت اقول القول ذا وهكذا ماهو اذى مالذا حرفي لذا قلت اقول ولا أمَلّ
ومن يدوّر للبلا في حروفي ابتلا لا وكلاّ او بلى انتمى للحاقدين
ما درينا عنّهم ولا كتبنا منّهم اعتلينا وهم هم لا جواب لمن سأَل
لا سؤال ولا جواب المعاني كالسراب لو تقول الراس شاب ذي مقاصد يالذهين
ذي مقاصد حرفنا ولو كتبنا حرفنه وان قريت بظرفنا ابتسم ثم قل هَل
هلهل وهلهل بهل زدت جهلك بالجهل هل وهل على مهل تفتهملي يافطين
لا تودي ولا تجيب لا بعيد ولا قريب ابتسم وابدا نحيب يا تفاني بالجهَل
واسمحولي باللي فات فات واللي فات مات والله انه كالفتات اعذروا يالفاهمين
وابتدا مني الشعر شاعر بشعره شعر لو كسى الشيب الشعر ماحصل منّه كلَل
شاعر واسمه بدر اعتلى يمّ البدر سامح الله ما بدر وابتدينا بالسمين
هيبته هيبة مطير عزوته ان جاه ضير فعلهم فعلا خطير ما حصل منهم زلَل
للمشاهد منجزات والثلاث المعجزات اسألوا وقت الغزاة كل ما يخفى يبين
ولا قصورن بالجميع من كبير ومن رضيع بس انا ودي اذيع فعل يبقى للأزَل
فعل محدن يجهله كل صعب ٍ نسهله فعل وانا من هله واذكروا يالذاكرين
فعل كلن له يفز فعل كله فيه عز ومن يلزّ ومن يكزّ ما لقى والله أمَل
ما لقى الا افعالنا والورث لاجيالنا نكرم اللي جالنا من قديمات السنين
وكل طيبٍ فالنا من زمان احوالنا حالنا هو حالنا لا مصاب ولا جلَل
من عبادل او بريه او علوى تنتخيه جاك مايسألك ليه خله بوقتك عوين
والثلاث اللي ذكرت احمد الله وشكرت ان ذولا لا فخرت بالفعل كلن فَعَل
واحمد الله وافتخر عشت عمري بالفخر ليّنوا حتى الصخر وكل قاسي مايلين
ولا طرى لمطير سو فز حرفي وقال سو ما نسوا لا مانسوا ما مضى واللي حصَل
كابت ٍ بقلوبهم ظلهّم بدوربهم ولو تنادي ما بهم ؟ قلتلك حقد ٍ دفين
عشنا ياحمر النواظر عزنا ماضي وحاضر ما اناظر لو تناظر ما تدوّر من خلَل
ما بنا عذروب غير الا ان احنّا مطير ولنّ احنا يا مطير للمعادي قاهرين
هذا شعري لا انتهض يوم غيرك لك نهض وانت مثلك ينتفض حرفي لمثلك شلَل
بس حشمه للوجيه مانبي نخطي ياهيه مانبي يم السفيه نكتب الحرف الثمين
واختم اللي ابتدا ما بغينا له ردى هذا شعري لا هدا كيف حرفي لا اشتعَل
والسلام اوفى ختام وللرجال الاحترام والسموحه يالرجال عفوكم يالطيّبين