اشاعه لـ نوف نبيل

خلاص القلب ما فيه استطاعه

يعيش العمر لو لحظه بدونك

نعم محتاج من قلبك شفاعه

دخيلك ابعد الشك و ظنونك

تعال ارجوك يكفيني قطاعه

وابعد وين والمرسى عيونك ؟

تجي بركان ثاير باندفاعه

تجي و يصاحب الغيره جنونك

حبيبي تتهمني بكل قناعه ..

بأني ناوي الهجر .. وبخونك؟؟

رجيتك اسمع القلب و دفاعه

تمهل بس في حكمك و هونك !!!

على اللي تشغله في كل ساعه

حبيب(ن) حالف بعمره يصونك

وقلب(ن) ضاق بك ماله وساعه

وعين(ن) كل نظرها في طعونك

ظلمني من شرى هرجي و باعه

يموت القلب ان عزم يخونك

رجيتك لا تصدق اي اشاعه

وعمري كيف يهنالي بدونك !!؟!!!؟

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

اشاعه