ذكرى ولكن غير كل الذكريات
فيها تجسد فرحت اليوم الكبير
يوم الركايب بيتن بمغرزات
وردن هيت ولا لهن غيره مصير
من كثر سج اعصي اهلهن ضامرات
مثل القطا اللي واردن صوب الغدير
في راي من عيت عيونه لاتبات
لو كان حطوا له فراش من حرير
تسوقه النخوة وحب الطايلات
ولا هام غز الا ورى العلم الخطير
جاء للرياض ومستعد(ن) للممات
وسيفه حلف ماعاد يرجع في الجفير
دخل عليها الفجر قدام الصلات
وساعة وبشر مع موذنها البشير
المُلْك لله ثم لحام الجاذيات
عبدالعزيز ولااحد في ملكه خشير
ومنها ا نطلق تحرير في كل الجهات
وتعاهد النصر المؤزر والمسير
اهداف ماهي مدخلات ومخرجات
واوامر تصدر ينفذها وزير
اهداف ابو تركي يحقق معجزات
توحيد فكر بعد توحيد الضمير
وملاحم تهرج بها سبع اللغات
في وقتن اقشر وقت والواقع خطير
واحد وطفى له فتن ومنازعات
وخلى الجميع اصفوف من خلفه تسير
ايوالله ماحدن قط سوا هالسوات
لاقبل صار ولابعد تالي يصير
عاشت بلاد العز في خير وثبات
في ضل ابو متعب بامان وكل خير
ويخسون من عنها يبث الشايعات
اهل النوايا السود والعلم الحقير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.