حبيب الجرح.. !!. لـ بنت الخاجه

حبيب الجرح.. !! - بنت الخاجه

ألا يامن سكن فيني وسط هالقلب وهذي العين
سكنت الروح من قدك ترى لك داخلي أوطان

يطول الليل في بعدك ترى صعب الفراق الحين
أنا والليل ولقمرا .. أنا ولهم ولأحزان

أنا دمعي يسليني كوى من حره الخدين
أهوجس في قسى ليلي أنا ياهاجسي تعبان

حبيب الجرح انا ضامي أبي كاس الوصل يازين
تعبت اشتاق لك ووله فقدت الصبر والسلوان

أحبك كثر ماحبك وانا وافي ليوم الدين
كثر ماهلت دموعي كثر مالك انا ولهان

كثر ماخفت انا لفرقى احن اللمسة الايدين
انا مالي سواك انته يافاهمني من العنوان

اشوف الكون في عينك ألا يامن سكن هالعين
أحبك كثر ماشوقي ذبحني لشوفتك يافلان

أحبك كثر ماعيا الوصل يجمع عيون اثنين
كثر ماعيت الدنيا تجيبك ياضوى لعيان

وانا مالي سوى ربي أبدعي وارفع الايدين
عسى الله لا يفرقنا ويجمع شملنا الرحمن

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.