صنديد وعنيد. لـ بنت الأشراف

نخطي ليا قلنا انسان(ن) ضعيف

والصحيح انه قوي باس(ن) شديد

لامسك صلب الصعب كيده عنيف

وصَّلَه سطح القمر راي(ن) سديد

يركب بظهر الاسد سرك(ن) ظريف

يركبه ويروضه ثم(ن) يعيد

يقفز من الجو بقماش(ن) خفيف

مايقع في القاع فزَّآته تزيد

لاتعلَّت همته شغله حصيف

لاتقولوا جني عفريت وشديد

مابعد فعلت بني آدم مُخيف

شاهدوا عيدوا النظر في كل جديد

من عظم فعله يخلي البر ريف

ماء(ن) وخضره ولايمكن تبيد

عقب ذا كله يقال انه ضعيف..!!

لا ورب الكون صنديد وعنيد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

صنديد وعنيد