هاض الخفوق وجاوبته المحاني
بدع الفكر واختار منه السديده
بدع الفكر من فكر ماهوب داني
يطمع على نظم البيوت الجديده
مادامني شاعر فلانيب قاني
غير الجزاله و البيوت الفريده
والا هزيل الهرج ماله مكاني
ننحاه مانرضا ونقبل مديده
ولاامدح الرديان وابن الهداني
مانيب مادح كون رجل وليده
شرواك يا محمد وفعلك يباني
ياسعد عين اللي يحطك عضيده
انته عوينٍ في القسا واللياني
منهو نخالك في مقامك تزيده
وانته فعولك شامخات المباني
تسما وتسما بالخصال الحميده
متسلسلٍ بالطيب علمٍ بياني
ومدات كفك يا محمد جويده
مادام ابوك اللي على الطيب حاني
وضمه بكفه بالفعول المجيده
مرحوم ياللي مارضيت الطماني
عجب علينا يا محمد فقيده
ريف على ربعه وصوب العواني
ومع الشجاعه له علاقة وطيده
تشهد له العربان قاصي وداني
واذكار فعله في دروبه شهيده
ينهض بحق الضيف وافي المجاني
لو كان كفه فوق صالي الحديده
قد باع محزم بندقه في الزماني
لاجل الضيوف وذي علومٍ وكيده
عسا مقره عاليات الجناني
من عند ربٍ ما يخيب عبيده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.