يا براهيم الليالي تحداني
وانا نفسي للتحدي مدربها
لو تقلب لي على اشكال والواني
اعرف الايام واعرف تقلبها
موفي المكيال مايجيه نقصاني
غير ثوب العز نفسي مااهندبها
والصعب مهر وله سرج وعناني
وانا خيال الكحيله ومودبها
عاش منهو للمراجل تهاقاني
لين نفسه ترتوي من مشاربها
لو يكلفني لها غال الاثماني
لحيتن تحشم على شان شاربها
ولا بقول اني على العرف سلطاني
لكن اسعى للثمينه واحاضبها
وان لقيت القوم تتعب على شاني
استعي في حقها وا تطيبها
ولا توسط كلمة افلان وافلاني
هرجتن ماهيب يمي مجنبها
جعلها نار تولع بالابداني
دعوتن تصغر وتكبر نشايبها
مير من يعرض على درب نيشاني
رميتي له يا مكافي عطايبها
مايرهبنا ضعيفين الايماني
من قصر نفسه عن فروض واجبها
والمغطا لو يمر ما تعداني
هقوة الرجال اميز جوانبها
اقدر اميز عدوي وصدقاني
ماني مثل اللي ظنونه مكذبها
ولا تلكع دون حقي وبرهاني
وان شعمت النار من زندي حاطبها
والضعيف يموت ما حاش الاماني
مات نفسه ما تقاضت مطالبها
لو تركز لي على جوخ ابن ثاني
تنظفي ناره وهو ما تشببها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.