الحب له قيمه ومبدا وتصريح
بين القلوب الخافيه مبتلينا
يهب نسنانسه ومسكه مع الريح
وينَقض جروحن تروح وتجينا
يا اللي عليك اركان قلبي مجاريح
سو ماتبي يامعذب الروح فينا
دام المدامع فالمحاجر مسابيح
وش نملكه ياكود رعشة يدينا
حبك وداد وعطف ياريحة الشيح
وقربك رواسي والاحاسيس مينا
تبعثرت نفحات وردك مفاتيح
واستلهمت روح الغلا لا وفينا
مثل السحاب اللي ترادم ملاويح
نقول له بالله امطر علينا
صوتك لذيذ الحلم وسط المراجيح
وهمسك رذاذ النرجس اللي حوينا
شميت منك الود ثم خفت لا اطيح
وشالتني العزه وكبر الحنينا
ركن الغلا لو دام يحتاج توضيح
طويل باعه مثل صحراء سينا
يلهم خفوقي واستلم منه تجريح
وجنبه من ركون المسافه متينا
قم نادني واترك عيون المشافيح
اللي ربت لفراق منا حدينا
كان الوهم ذكرى وبوحي تباريح
عطر المحبه فاح في كل حينا
الحب يبقى فوق كل التساميح
اصل العلاقه من قديم السنينا
الحب احساسه بنظره وتلميح
وينشر شراعه من يسار ويمينا
اقبل غلا المشتاق ياريحة الشيح
وانت الهوى الغالي ورعشة يدينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.