الاختبار - محسن الحمري
الله اللي لا اله إلا هو الحي القديرلا نوى شيً على عْباده يصير..إلا وصارولين مسّ الضر احد منّا كبيرٍ او صغيرنرفع أيدينا وندعي له بلطف (الاختبار)لا امتعاض ولا اعتراض ولا رفض لأمرٍ مرير(قدر الله وما شاء فعل) رغم المرارما لنا إلا الرضا بالأمر.. لو مهما يصيرمؤمنين.. وكل مؤمن واجبه يرضى القرارحكمة الله في عباده.. هي كذا الدنيا تسيرذايقين.. الموت يعني ذايقينه.. لا.. فرارهو صحيح الموت حق وعمرنا أصلا قصيرمير في ناسٍ تموت وهم بهالدنيا ( منار )في صباحٍ أصبحت فيه السما ما هي بخيركن في شيٍ حصل بالأرض خلاها قفارقالو الفارس ترجل والفرس اصبح كسيرقالو ان الشيخ (جابر) مات يا أسوا نهارويوم جاني هالخبر يا سامعي عبر الأثيرأظلمت كل الجهات بوجهتي والفكر حارثار فيني الشعر كله وانتثر دمعي غزيرواعرف إن الشعر بأعماقي ليا من ثار..ثارانتحب شعري على صدر الورق واصبح غديرفي رثا شيخ بكاه الكون برّه والبحارأي بكا العالم على موت الأمير ابن الأميرثمْ بكت حسره.. ديار العُرب ايضاً دار..داركل شبر وكل بذرة رمل داخلها ضميرتبكي اللي عمّر الصحراء وخلاها ديارتبكي اللي راسم البسمه على فم الفقيرتبكي اللي سيرته بالطيب تنفح والوقارتبكي اللي ذاد عن ارضه وعن عرضه كثيرتبكي الشيخ الاصيل الحر رمز الانتصارالقدير الفارس المغوار والفكر المنيرالكبير اللي معودنا على فعل.. الكبارراعي الحكمه... معلمنا.. ابو عقلٍ بصيرالنصير الشامخ اللي ماعرف معنى (انكسار)مجده اللي عانق ابراج الكويت وصار.. طيرطير حايم في السما التاريخ.. وبكل افتخارالكويت بعهده الميمون زهره من عبيرمن حسنها صارت البلدان.. اي والله تغاروالكويتي بالرخا والعز ما مثله نظيرلنّ (جابر) ما رضي ( لكويته ) إلا.. الازدهاركم قضى من عمره السامي على حد الشطيركم وكم عانى ولا.. تراجع ولا.. هزّه قراركم بذل يا سامعي من شان تقرير المصيرلين حرّرها وسوّرها وأمنّها.. وطارما اقتصر خيره على لكويت.. إلا صار بيرأي بير.. إلا نهر جاري سقى من جا وساركم وقف وقفات معْ بلدان فيْ فَيّ وهجيركم نصر مظلوم..كم ساعد دول تحت الدمارالاكيد.. الشيخ جابر صعب له ندّ وخشيرلنّ خيره عمّ كل الكون في سر وجهاركيف ما تبكيه هذي الأرض والجمع الغفير؟كيف ما تنعى السواحل والمداين والمثار؟كيف ما يبكيه كل شيٍ صغيّر او كبيركيف ما تبكي الكويت وشعبها حسره ونارما بقى فيها مكانٍ ( للصبر) او شي غيرالحزن خيّم على الأفواه.. ذوّقها المرارما لنا الا الرضا بالامر .. لو مهما يصيرمؤمنين.. وكل مؤمن واجبه يرضى القرارجيت اعزيكم واعزي الكون كله في الاميريالله انك تغفر ذنوبه وتوهبْه الف داريالله انك ترحمه وتجنبه حر السعيرواسكنه في جنة الفردوس من دون انتظاريالله اللي لا اله الا هو الحي القديرصبّر الشعب الكويتي.. على هالاختبار
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.