يجن الليل و اشواقي تجن بنور هالقمره
و احس النور في عقلي ينور لي خيالاتي
اصيغ ابيات من فكري سناها يضوي السهره
بنور(ن) ساطع(ن) يملي دجا ليلي و ظلماتي
دفنت الحب في صدري و صار القلب له قبره
و مات احساسي العاشق و ماتت كل همساتي
نصحني صاحبي مره طريق الحب لا تمره
تبسم ثغري العاشق و عيني فيها دمعاتي
انا يا صاحبي قطعة جليد و ذاب من جمره
و سالت من حرارتها روايه عن غراماتي
بلاني من قسى قلبه بلاني من بعد نظره
وصار القلب من حبه مسبب كل علاتي
اقول اني نسيت الحب و بقولي انا ذكره
وتوه فحب محبوبي وضيع كل مساراتي
يعذبني يذوقني مرارة عشق وش مره
يحاسبني بكل زله يلخبط في حساباتي
وهو يدري انا حبه كثر كثر الكثر كثره
ولاكن بالجفا يسقي بساتيني و زهراتي
احبه ثم احبه والمحبه فيني بالفطره
من اول ما ملا عيني جماله زان نظراتي
احسه شي ما يوصف وهو اندر من الندره
ولاكن ما هو بيديه بانه من خيالاتي
يجن ليلي و احساسي يجن و يمتلي فكره
و يكتب من اساطير العشق اكذب علاقاتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.