يقول من زين الكلام ارتوى به
من منهلٍ ماقيل به عيب ووخيم
وسوق الوفا والعرف باع وشرى به
وسوق المذله مايبي منه تعليم
وكلٍ من الأشيا يحسب حسابه
بالمعرفه ويقيم الناس تقييم
يا مرحبا مالاح برق السحابه
وما هل همال القنوف المرازيم
يا خط منعورٍ لفانا جوابه
ذرب اليمين مقدم الطيب تقديم
حسن سناد اللي زهم وانتخى به
قرمٍ على العليا بعيد المناهيم
فعل المراجل والمعالي سما به
ودرب المراجل ما يبي فيه تفهيم
ومن روس قومنٍ فعلهم يندعى به
لاجا الطراد تحطم الخصم تحطيم
((أولاد ودعانٍ)) لنا خير لابه
ندّر حرارٍ تشري المدح لا سيم
فعلٍ لهم كلٍ عرفه وحكى به
عز الرفيق وللمعادي مراجيم
كم شيخ قومٍ علقوا به صوابه
واركوا على كبده جداد المواسيم
تشبع بهدتهم جياع الذيابه
ولهم بعد تعظيم الإله تعظيم
فيهم نهار الهوش عزم وصلابه
وقصيرهم من ماضي الوقت ما ضيم
ودوا ولده من الجدار الخرابه
وداه من لاهان قدره ولا ليم
((والشمري يوم ان فرته هفى به))
((شالوه مع فرته قرومٍ شغاميم))
شالوا حديده بالمواتر انهابه
من خوف يلحقهم عيوب ومثاليم
ضيم الخوي ما منهم احدٍ رضا به
حيثه عليهم من كبار الملازيم
افعالهم مع غيرها ما تشابه
كالسيل ينمي لا نشف ماطر الدّيم
اهل الكرم واهل الظفر والذرابه
و المرجله حظ ونصيب و مقاسيم
احدٍ يحوش الطيب وأحدٍ رمى به
مال للردي بالطيب علم وتعاليم
والصدق نورٍ في الدجا ينسرى به
والكذب عيب وفيه ظلم و تآثيم
وصلوا على اللي منهجه يقتدى به
اللي لنا بين حلالٍ وتحريم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.