فراق من تهوى كرات الدم يغليها غلي
والمشكلة وإن فارقك بلا وداع ولا ثنا
يا صاحبي وشذا القسى... مشكور يا القلب الخلي
الظاهر انا ما تبادلنا الهوى ما بيننا
حتى الوداع اللي يسم الروح تبخل به علي
يا اخي على شان الغلا.. ما هو على شاني أنا
يا كبرها شرهة غلا... وابدعت فيها ما يلي
يوم اظلمت في خافقي.. قصيدتي صارت سنا
اشتاق لك واعن لك -والحب لك- والضيم لي
وانته ولا همك شقى حالي.. ولاذقت العنا
جيتك وانا خالي شقي.. واقفيت منك ممتلي
وشلون بدلت بحياتي ليه تطعني هنا
اخلصت لك -وامنت لك- سلمت لك كل شيء الي
وارخصت لك من أول وجودي الى حد الفنا
اسايرك وادمع خطا.. تطمن معي وأنا اعتلي
حب بليا انصاف لا ينفع ولا منه غنا
امشي على رمضي الولا.. زكيت حبك لي ولي
ونزهتك من العيب والتقصير ودروب الدنا
وشلون تتركني لهم يصلي ضلوعي صلي
صوتي نشف.. عزمي وقف.. والموت احسن انه دنا
تذكر انك في الزمان اللي مضى قد قلت لي
عن شمس حرمان الجفا غرامنا بيظلنا
واني انا فرحك وضحكك والصدر هو منزلي
حتى المكان اللي جمعنا بالوعد يضحك لنا
واليوم! لا عاد الصدر بيتي ولا انته من هلي
تزاحمت فيه النفوس وصرت منته يمنا
صدقني ان الكون بوجودي ظلامه ينجلي
وانه بدوني لك عذاب وهم واحزان وضنا
هذا انا علي الظما مثل السحاب المنزلي
اروي جفا.. وانبت وفا.. والغي مواويل العنا
ما بين سطري وسطر غيري سطر ما يمشي علي
يا ينشطب هذا السطر أو ينشطب سطري أنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.