يامل قلبي من الحرمان يامله
راحت سنين العمر دوره ورى دوره
عقلي يقول إلزم العادات والمله
وقلبي يقول العرب تنهى ومأموره
وقول من بيني وبيني يابسمله
مافيه داعي ترى النيات مستوره
أقبل وتقبل ظروف الوقت والعله
وأدبّر وتقبل الضيقات مسروره
يفيض دمعي وعيني ترفض تهله
ياليتني حاسبٍ للصد والبوره
على خليلٍ تردى في وصل خله
ثلثين شهر.. ونهار.. وماظهر نوره
مايدري إنه نديمي... والغلا كله
ومايدري إنه غياب الكون... وحضوره
ومايدري إن طلته (مامثلها طله)
تحيي ربيع الخفوق... وتقطف زهوره
ياسيدي.. (ياأمير الحب) قم قله
يومي غدا عام... وأهلكني من دهوره
مدام حبه سكني كيف أبو صل له
لاصار زوله سراب.. وعيني الصوره
ولاصرت دافي شتاه.. وشمسه.. وظله
ولاصرت أنا الماضي.. وحاضره.. وشهوره
ولاصرت روحه.. وريحه.. عطره.. وفله
نبضة.. وضحكته.. دمعه.. صادق شعوره
يكفيني إني نذرت العمر له كله
ويكفيني إنه بكاني من سبب جوره ..!
(ماكنت أظن المنايا في قفى زله)
وسيوف موتي من الصوبين مشهوره..!
كان إيعشقني.. وقلبي دايم يدله
والحين... (واحد من أشياءه وجمهوره)..!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.