ارسل سلامي لبو فيحان ضيف الله
خلي ويحي خالي طالت سنينه
من فوق جيب يفج الدرب ويتله
مع نجمة الصبح والتنكر معبينه
جكس آرنوعه وكبوته به السله
وخطه كما البرق في وسم مهلينه
من يركبه مع طويل الخط مامله
امورده كافر ماينعرف دينه
وسوافه النشمي الي يدمح الزاله
شوير ربعه لياحضرو على يدينه
من ماكر الطيب واهل الطيب من هله
حر يلادي هل الخصمات في عينه
من حيث لصار تمشيله وتدله
ولياوصلته تحط الخط بيمينه
سلام مثل العسل يبري عن العله
اليانقط داخل المعتل في حينه
وان كان ينشد تراني دوم شفقله
مع ساير الوقت ماحنا بناسينه
له الغلا داخلي وله الغلا كله
غلاه بالقلب ثابت من عناوينه
لكن دنيابها المخلوق تقتله
ماهي بكيفه تجي زينه تجي شينه
عينت ربعي هل الشبات والدله
أهل المكارم وعلم الخير حاوينه
وقلبي اللي تقل يركي على مله
الياتطرى ربوعهوينهم وينه
أقفت عليهم غريبه عقب هي فله
أقفت على اللي حقوق الرب موفينه
ماكنهم دوجوبارض الولي لله
ولكنهم غير حلم الليل مطرينه
يالله عساهم بجنة خلد ياعله
واللي على دربهم ياربناتعينه
وليانظرنابدق الوقت مع جله
قلناعسى الله يجيب الخاتمه زينه
وقت يشيب وفيه الناس مهتله
والحظ للي تبي تثقل موازينه
الوقت قاسي ومهما كان ننزله
وان كان ماطاعنا حنا مطيعينه
وصلاة ربي عددماجات منهله
على نبي نهج دينه ومعطينه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.