اِكسر جمودي. لـ أحمد المطوع

باااااردة كفوفك ..

بااااارد احساسك ..

حتى انفاسك حبيبي ..

خالية منّك .. ومنّي !!

وين ذيك النار فيها ..؟

لما يذبحني " الحنين " ..

و " ارتمي منها عليها " ..؟

لما تشعلني " حنان " ..

و احضن عيونك ( شَغَبْ ) ..

تحضن احساسي ( لَهَبْ ) !!

آآآآآآآه لو تدري حبيبي ..

وش كثر شوقي ل / نارك ..

لما يحرقني لهبها ..

و انتثر كلّي اف / " مدارك " !!

اِقْلِبْ الدنيا ب " دفاك " ..

ثُور .. ثُور

لي زمن و آنا آتحرّى ..

( لحظةٍ تِكْسِر جمودي ) ..

من جنونك .. بسْ أبيها !!

( ضمّةٍ تِرْسِم حدودي ) ..

تِنْتِشي فيني هنااااااك ..

فوق .. فوق

ل / آخر حدودك حبيبي ..

و .. اتبعثر بين يديك !!

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

اِكسر جمودي