اعداد ما يثمر من الزهر بستان
واعداد ما تحمس هل الكيف بنّا
حييت يا بحر الشعر يا"بن جدلان"
تحيةٍ في سلمنا لك تثنّا
تحيةٍ تحمل مودات الأخوان
و تفضح مشاعر في الضماير تكنّا
لنسل الفهود الي لها المجد عنوان
مجدٍ موثق يا "أكلبي " ما جهلنا
تاريخكم يشهد علي كل ماكان
صفحات بيض أفعالكم سجلنّا
في" بيشة" الفيحاء لكم ماضي وشان
يوم إنها بطعن القنا تحكمنّا
بالرمح صنتوها وبالسيف شامان
سيفٍ من العدوان دومٍ يحنّا
للسلم سلم وللمعادين قشران
وبيوتكم فوق الطويله تبنّأ
وحنا هل الأمهار عجلات الأرسان
خيلٍ لنا من عهد هودٍ تعنّا
"قحطان" وإن صاحوا هل الخيل : "قحطان"
لو ضدنا كل الدول ما إشتحنّا
وانتوا خوال وربع وأنساب وأخوان
وعلى الوفاء يبرا ضعنكم ضعنّا
واليوم نورٍ في النداوي لكم بان
وطير السعد رفرف وهلّل وغنّا
لو في الشعر دوله نوليك سلطان
في الشعر تحكم شامنا مع يمنّا
لك ماردٍ يقطع ضمى كل ضميان
أفواج من نبع الحكم ينهلنّا
تازن قوافيها على كل ميزان
متميزٍ في كل طرقٍ وفنّا
صفق لك الجمهور حضرٍ وبدوان
كلٍ علي ذوقه لقى ما تمنّا
شروى الأصيل الي ركض كل ميدان
من دون وثبتك الحصن يقصرنّا
إسمك يهيضنا على بدع الألحان
منكم سمعنا جزلها وأطربنّا
ردوا كلامي واخذوا العلم برهان
" الأكلبي والشعر" .. "هيلٍ وبنّا"
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.