قمت اتصبر. لـ راكان السويلم

قمت اتصبر - راكان السويلم

يامل قلبً وسط الاضلاع نهاش
والحال زود حرها مع نكدها

والفكر هاض وهيض البال والجاش
بسباب ريمن مرتعن في مهدها

ياحمود قلبي تله الزين برماش
ماشفت مثله يوم روحي سهدها

واقفت وانا الي في هواالزين معطاش
مغييراعداخطاه ولا حصي عددها

ياعين ريمن شاف له ضول وانحاش
يبغى السلامه قام يضرب جلدها

ام الجديل كفوفها بيض نقاش
وردن تفتح فوق عالي جسدها

قمت اتصبر واتعب الجاش باالجاش
والروح خافت لايجيهاوعدها

من شافهالاشك مرتاح ماعاش
خطرن على حاله وموته يردها

لاشك حالي عقبه اليوم مخراش
والله مالي عيشتن من بعدها

مامثلها شافت عيونن للوباش
الي حدوني عن مواصل عمدها

شكيت لك حالي وانا حالتي ماش
نبغى السلامه كيف نلقى مددها

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.