ياناشدن عنــي ..!. لـ أشواق السعودية

ياناشدن عنــي ..! - أشواق السعودية

ياناشدن عني بحلو الأساليب
بالله قلي كلمتك وش غرضها ؟!
 
 
اذا بغيت العلم انشد وانا اجيب
وبعض السوالف مغنيه عن بعضه
 
 
لي لابتن هيبه تفك المناشيب
وخصيمنا يرجي من الله عوضها
 
 
وبنت الكريم اللي رقى ذروة الطيب
الشامخ اللي كلمته مانقضها
 
 
رفيع عن خوة هل الغدر والعيب
اللي بطعن الناس زايد مرضها
 
 
رايه سديد وحافظن للمواجيب
سلم المراجل قدم عينه حفظها
 
 
والله مالي بالمفاخر مطاليب
مير الحميه هو سؤالك نهضها

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.