القبطــــان - محمد الشهري
صيف هذا العام أسوأ صيف عشته في حياتيباختصار اكثر .. مررت بمرحله جدا حزينهكنت عايش في صراع كبير من ذاتي لذاتيكنت ضايق .. واشعر انّي بعد ضيّقت المدينهكنت اخطّط وانتظر صيف السنه هذي واحاتيلجل اعيش اجمل إجازة حب ما بيني وبينهالحبيب اللي من اول كان أجمل ذكرياتيوصار أبشع ذاكره في داخل اعماقي دفينهوالله اشوى لو صدمني فجأه بغير امنياتيولا أموت بأمنياتي غدر من طعنة يمينهضيّق الدنيا بعيني صدق.. واحترت بجهاتيكنت أشبه ما أكون بحال قبطان السفينهلا ارتفع موج البحر والريح هبّت والتفاتيكان عكس الإتجاه اللي يحسّس بالسّكِينهراكبين اثنين عرض البحر والمركب مؤاتيللغرق .. أو .. واحدٍ منّا يضحّي عن ضنينهيعني كان الحل واحد .. يامماته .. يا مماتيالبلى في ناتج الحلّين.. اموت من الغبينهقال: ويش الحل؟ قلت: التضحيه من واجباتيلازم آضحّي عشان اعطيك بعض الطمأنينهقال: إفرض لو خذاك البحر.. قلت: اعلن وفاتيقول: مات فلان لجل اعيش .. والمولى يعينهقال: طيب.. لا رحلت شلون بتهنّى مباتيقلت: فكّر في رجوعي بس .. وانطرني لحينهوانتبه تنسى و تكفى كل شي الا .. وصاتيإنتبه للقلب تكفى .. قال: في أيدي أمينهقمت اودعْه بْسكات ودمعتي تشرح سكاتيوماذبحني ضيق إلا يوم انا اقبّل جبينهوارمي نفسي للبحر واختلّ في موجه.. ثباتيوالبحر لبعيد اخذْني وصرت لامواجه رهينهلكن الله مدّ في عمري.. ونجّاني بصلاتيما وعيت الاّّ وانا مابين شطّ .. وبين طينهوالحبيب اللي نجى .. ماكان متوقع نجاتيجيت من بعد الغياب المُر.. ادوّر عن حنينهما لقيته في المدينه وانشغل بالي .. واحاتيورحت من باب انشغالي اسأل الجيران.. وينه؟قيل: سافر في إجازة حب دام الصيف آتيجاه غيرك ياخذه من قبل يومين بْيدينهوقتها دنّقت راسي حزن .. حسيت بشتاتيوقتها حسيت نفسي طفل .. أهله بايعينهوش حصل لابن اللذينا؟ ولاّ انا وش هي سواتيما تقول الاّ كأنّي ذابحٍ له .. والدينهذا وانا اللي لجل عينه ما بخلت بتضحياتيوالقهر .. لابارك الله فيه .. ما بيّن بعينهدام حتى ما حفظ لي عشرتي واحسن جزاتيويش برجي منه؟ لابو عشرته.. لابوسنينهكان هذا احساسي اللي دوم اعيشه وسط ذاتيولاّ انا ما جيت بحر وماني قبطان السفينهبس انا اللي كنت اخطط لجل احقق امنياتيفي إجازة صيف ضاعت غدر من طعنة يمينهرحت بيتي.. ما معاي الاّ أقلّب ذكرياتيواقفل الغرفه عليّ .. وأسمع اغاني حزينهلجل ذلك.. كان هذا الصيف الاسوأ في حياتيلجل ذلك.. كنت أتعس شخص عايش في المدينه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.