لو تدري وش كثر تاثرت من الي كتبته
يشهد ربي ان بوحك له معاني كبيره
يافلاح لا تبكي على شخص خسرته
دامه مارحم عيونك الي لجله سهيره
ادري انك صدق وموت حبيته وعشقته
وادري ان قلبك انجرح وجروحه
غزيره
هذا حال الحب ماتغير من عرفته
مايعرف اصل ولا فصل ولا عشيره
يافلاح لا تنوح لجل غالي فقدته
ترى كل منا مايعرف وش مصيره
انا مثلك كان لي حبيب بقلبي سكنته
او بالاحرى كانت في قلبي هي الاميره
والله لو تدري من حبها وش كسبته
لين يومي اشكي عن حالتي المريره
لكن خلاص يافلاح حبها دفنته
صحيح ان قلبي كان مايبي الا غيره
لكني على حقيقته للاسف كشفته
كان بالخوافي يفعل افعال كثيره
حسافه يوم دمع عيني لجله سكبته
وحسافه يوم عيني لجله كانت سهيره
لو تسالني عن حبه لغيري بعته
ماعاد اذكر له اسم ولا حتى سيره
لقيت غيره يستاهل حبي وعشقته
بس مادريت ان كانت للنوايا الحسنه سفيره
كتبت لك كلام يافلاح وعساك يالغالي فهمته
كمل حياتك ولا تهتم وكمل المسيره
ادري انه هالطريق صعب لو اخترته
لكن بدعي لك عساك تلقى غيره
لو كان غيرك يافلاح عن حبه شكى عذرته
لكني اعرفك واعرف حالتك المريره
وهذا بوشهاب موجود ماخسرته
اشكي له تراه يهتم في كل كبيره وصغيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.