جرح الزمان أدمى فؤادي وصديت
عن حبك اللي ليتني ما عطيتك
جيتك مشاعر حب جيتك ولبيت
صوت الحنين اللي فهقني وبكيتك
جريت آهات العنا يوم هجيّت
عذب القصايد داهمتني وقريتك
ياما سقيت أرواحنا ثم أرويت
ضمأ لهيب الصمت يومي رويتك
ياما رسمت الحلم وياما تهقويت
تبني صروح أحلامنا ومالقيتك
ياشين وقتٍ فيه حبك تماديت
وأجمل بدايات الوله يوم جيتك
عيشتك في بعدي ولا عيشتي ميت
ما أنذل لو عزك منح صدر بيتك
حظي رماني للشقى وإنت فليت
لنته بديت الحب ولا آنا نهيتك
أسهر طوال الليل عني تباطيت
أسمع سواليفك وأبد ما عصيتك
بيت الغرام اللي بنيناه ياليت
ما جيت تهدمني بعد ما بنيتك
ملفاي مقدام الوفاء يوم دليت
جرحي دواه البعد وعني رميتك
كني على جمر الشقاوي تقهويت
فنجال جرحك صبّني ما أرتويتك
أوّن من بعدك وبالصوت حنّيت
تشهق لك أنفاس الحكي لا طريتك
برمي الوله والحزن وأرمي التناهيت
وأرمي الليالي دامني قد بكيتك
واليوم والله دامني قد تقّويت
بعيش بشموخي وأبد ما نخيتك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.