يا بحر جيتك والعلوم أكبار
تخفى عن أعيون العمي والعور
ما جيت لك وأنا قصير أشبار
جيتك مصبح يا صباح النور
جبت لك من جزل الكلام أنهار
وأن ضقت من بعض الحكي معذور
أنته بحر والبَحْر ماله ثار
ألا من أشباه الدرر والحور
اللي نسايمهم تشب النار
فالمفترق بين الحلل والدور
ما عاد بصدور الرجال اسرار
عشانهم صاروا بدون أصدور
والغيمه اللي سيلها مدرار
تطلع على وجه النقا وتغور
من حولها علامة أستفسار
غيبة شهر ولا غياب أشهور
يا بحر والله ما عليك أغبار
سدك منيع ولو مالك سور
أنته ونيس أهل الوفا والكار
وانته صديق الشاعر المشهور
اللي ليا حار القدم وأحتار
أرسل عليك من الهجوس أسبور
لوك بدار وشاعرك في دار
لكن عنده فالخيال أبحور
شاعر بحر وينافس الشعار
بالشعر والا بحاملات الكور
لو كان ماحصّل مع التجار
فالوقت هذا لو شهادة زور
ما يعترف بالليل والسمّار
ولا مر لا لجنه ولا دكتور
على أنه أقوى من حديث النار
بين الخلا والمنزل المهجور
وأنته بغيت اخبار هاك أخبار
وان ضقت من بعض الحكي معذور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.