محاورة بين سلطان وياسر التويجري. لـ سلطان بن سحيم

محاورة بين سلطان وياسر التويجري - سلطان بن سحيم

اسعد الله مساء الشيخ سلطان الكريم
ودي ابداها ولكن شرط في عفويتي

وانت تدري اني اصلا انطلقت من القصيم
لين ضاق الكون كله في جماهيريتي

مرحبا بالشاعر الي يملك العقل السليم
واحد ما اذخر عنه مالي ولا جاهيتي

بتغاظى عن غرورك حلم من مبدأ حليم
وبحترم عفويتك وانت احترم جديتي

صاحبي ابعترف لك وانت يالراس العديم
تدري اني ما استضيق اليا جفت خويتي

اهل الارباح ما تعطف دمع اليتيم
هل انا صادق او انه شي من سلبيتي

انت وش لك في البلش والناس والوضع العقيم
معك سيفي واردفه يالقرم في جنبيتي

كان راح سحيم حنا عقب طيبنا سحيم
والدسم مع السنام الي على صينيتي

ذاخرك لأم الجلايل وانا والله العظيم
ان شيطان الزعامه ضاق في طاقيتي

دام هذي مدت الايام والوقت السقيم
بيض الله وجه ضيف ضاف مع ماهيتي

مدت الايام يا ياسر تجي مثل الرميم
والله المعطي وربي عالم في نيتي

اقصد الناس لاشتكى على غير الرحيم
والله الي جعل يغفر سيتك مع سيتي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.