شد حيلك ياقصيدي خاطري اغزيها
واتحدّاها انا ماهي بتتحداني
ودي اطعنها بسكينة شعر وارميها
ثم اداويها واعيّّشها بعالم ثاني
لين اعلمها بان العيب فيها فيها
والا انا عزيز قوم وعزتي بايماني
ياقصيدي وجّه رماحك على طاريها
لاجل اخفف ضيقتي واحد من احزاني
قلها وشلون كانت قبل انا ماجيها
وكيف صارت بعد ما فيها نثرت الحاني
اشهد ان اللوح لوح وكلمتي اعنيها
قلها ترحل وتعرف مين راح يعاني
وقلها تاخذ معاها كل ما يعنيها
ولاتبقي شي حتى اغنية تهواني
وكان وصّتك برسايل قلها مابيها
ولاتحسب اني بطول عقبها وحداني
وكان قالت لك باني صرت من ماضيها
قلها ان اللوح لوح ولو ركب (الماني)
يوم اركّبها (.....) كان الفرح كاسيها
واثرها تحلم بأن تركب على ( نيساني)
وكنت اودّيها لبرج المملكة واهديها
ماركات وأكلها وجبات( ايطالياني)
قلها ترجع الى (البطحا) لاجل تأويها
تاكل من اكل (الهنود) وتشتري( تايواني)!
وقلها اني ورب البيت مادانيها
ومستعد ادفع واكافئها لاجل تنساني
ولاتحسب اني اذا راحت انا ببكيها
لاوربي ما أتعّب لاجلها قيفاني
يمكن اتحدّى بيوت الشعر لاجل اهجيها
وان سكت ... فتعتبرها لي عمل انساني
وكان (نواف الدبل) شعره بدى يغريها
قل لها اني اعدّه واحد من اخواني
ودامها تقرى(.....)دايم وتشريها
قل لها يمكن بعد هذا العدد تقراني
وقل لها ان ابيات شعري راس مالي فيها
ودام جمهوري يصفق..ماني بوحداني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.