قائد السرب. لـ وضوح

قائد السرب - وضوح

أبي أكتب لك نهض قلب يودك
حروفي يابشر جزرك ومدك

أبي اكتب لك ولازم لازم إني
أقوله في صراحه وبتأني

يرافقني على ماقيل جني
تعرفه وأعتقد تقرا سطوره

على شانه ضحك .. صفق زمانه
وغنى:ليل دانه .. ليل دانه

تسامى وأهتدى وغير مكانه
كثير الضحك هل يعني سروره؟

وذاك ش صارله .. وش صار تالي
عقب ذيك الصداقه والليالي

مديم الضحك مجنون وخيالي
أشوفه شوف من يدلي بشوره

وحضرة قائد السرب المبجل
خطف عينه وهو كان متعجب

يسجل يا إلاهي وش يسجل
سوالف طقطقه .. وألعاب كوره

تبي أكتب على شانك .. رضينا
ولكن ماشرحنا وأبتلينا

وتدري ضاقت الدنيا علينا
وكل يلعب بأتقان دوره

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.