طيبة نساء. لـ همس السعودية

طيبة نساء - همس السعودية

ماطرالي غير قلبك..أسأله كانه نسى
كل جرح جاه مني سبته منك وفيك

ليه مستغرب حبيبي..عمر قلبي ماقسى
لا..ولاقلبٍ تعرفه يوم جالك يرتجيك

قلت أسامح..وآتسامح..لاهي ليت ولا عسى
ماهو إلا طيب قلبٍ مثل مابه هو عليك

والله إنه قلبي اللي كم عرف طعم الأسى
كم..وكم جته المواجع واحتواها ويحتويك

وأنت تدري..يوم أجيلك لحظةٍ ذاك المساء
ارتبكت..وكل حرف منك وده يشتكيك

اعرف اني..يوم جيتك..جيتك إحساس اكتسى
باعتزاز..وفي شموخه جاك ولهذا يجيك

وقولتك "وشهوطرالك" اسمها "طيبة نساء"
ليه لا..والموت تدري محتريني ومحتريك؟!

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.