خمسه وعشرين مرن يابعد حالي. لـ نايف السعود

خمسه وعشرين مرن يابعد حالي - نايف السعود

خمسه وعشرين مرن يابعد حالي
خمسه وعشرين هي عمري وهي سنيني
منها تعلمت لو إن الصبر طالي
يورثك خير الامور ولو بعد حيني
بعطيك نبذه عن همومي وعن فالي
وعن الفرح ليش يالغالي معاديني
قصير لكن طويل بفكري العالي
نحيف لكن سمين بعقلن رزيني
ضعيف لكن قوي وشايل احمالي
اسمر ولكن بياض القلب يكفيني
هذي حياتي قبل همي وغربالي
هذي حياتي قبل جرحي يعنيني
افراح وهموم واحزان وغثا بالي
متناقضات البشر موجودتن فيني
الموت احرم عيوني شوفة الغالي
من مات والحزن بدروبي مخاويني
من غاب عني ماعادالعمر يحلى لي
من غاب شمعة حياتي كامل الزيني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.