تطمن ياقصيدي مالك إلا العز والنوماس
من ايام النبي والشر ماتسكت مزاميره
تجملني مثل صفرا ليا لزت تجيب الكاس
وانا لك وجه عز طبق العز بحذافيره
لك الله لا جروح تنزف ولا خاطر منحاس
هذولا مالهم غير الشتيمه في البلد سيره
هذولا مجدهم زايف..هذولا عرقهم دساس
هذولا حولوا ضحكة بياض الطرس تكشيره
هذولا لو أقول أن البحور تكذب الغطاس
عطا كل شعيب وضاق جوه..يالله الخيره
سماسرة على روس السنتهم فلسفة وافلاس
ياشين المفلس اللي لج خلق الله بتنظيره
انا رغم انفهم راع البياض المرهف الحساس
وانا اللي دلته تسوى لها عشرين تبهيره
سقى الله ديرة كانت زمان اقرب من الأنفاس
غدت من ديرة بانفاس لانفاس بلا ديره
سقى الله صرخة غنت صباح..وصحت لها ناس
على فقدان فردوس تغنينا باساطيره
سقى الله يوم ذبينا مراقيب ورا مكناس
وقف سلمان بن عبدالعزيز ولا وقف غيره
ورحت أصدح صوتي والزمن خلفي يدق اجراس
وافضفض للتراب اللي يفضفض لي باساريره
واطول قامتي واوقف التاريخ راس براس
واقول ان ماوا أهل المجد ماماتوا مداويره
عسى الله مايبارك فالقلم لاراود القرطاس
وهو في داخله حقد دفين وحسد وغيره
تعلق ياقصيدي بالنجوم..وشة الخناس
عليها من اهل التوحيد تهليله وتكبيره
وانا ذاك الخوي..قل:"يا لله الخير"..ولك النوماس
وإلى خان الخوي..بس الخوي..قل:"يالله الخيره"
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.