كل ماقلت : أحضنيني ترى ماني صري
قالت : أغسل يدك قلت : السبب قالت : كذا
وابري حالي بري وافري جيبي فري
مهرةٍ من دونها كم مهر شيخ جذا
لشعرها بايعي يايدي وأستغفري
وشم يا أنفي منه قبل تقفي به شذا
يوم فلت شعرها الغجري قدم ناظري
رحت أغني : حبذا الموت معها حبذا
طحت من شلفا ذياب على شلفا جري
يوم فيي رمش أتقي رمش واللوعه بذا
حكم سود رموشها في حكمٍ عسكري
يذهل الغافين من خوخ وجنتها عذا
مهرةٍ في ثغرها من تمر بيشه سري
في العذارى أسلوبها أعظم مثال يحتذا
عود رمانٍ لساقه محير الماء مري
واقف حتى اذا هبه الغربي اذا
من ليونته يتمايل تقل راعي خمري
في رجاها قرح الخيل نرذيها رذا
الصدر خيمه سما والنهد قاسي طري
عندها في خصرها نقص كامل في الغذا
تحت قبة معبد الصدر غنيت صخري
ياحمد لين ان ذا طووعه من ذا مذا
والثنين اللي على الصدر مجرمهن بري
ياحمد من ذا أنا داخلٍ في وجه ذا
بين خصرٍ أشتراكي وردفٍ عنصري
ساقها من عربدة ردفها يشكي أذا
مهرةٍ لا جيتها من عناي أجري جري
ماحذتني لو لحافي قدم رجلي حذا
في دلعها يذوب تسعين مرة مادري
واحدٍ في عز نومه بضحكتها هذا
أستريحي يا مها وأقعدي يا البندري
في عيون البيض من حسن ملهمتي قذا
حسنها بحسن العذارى يبيع ويشتري
بنت شيخ لا عطا من الطناخه ماخذا
أبك أنا من قبل لا أشوفها ماني صري
كيف أجل لاشفتها وهي كذا وأنا كذا
تمت الإضافة بواسطة:فهد الخرجي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.