فاض الهجوس ..

فاض الهجوس وقرقعن الموازين
لا رحم ابوها من موازين ذيه

. لا رحم ابو هيئة الامم والقوانين
ولا رحم ابو تلمودها والوصيه

. ولا رحم ابو من يسكته شي هالحين
من عالم الاسلام واليعربيه

الكيف زان وقلت يازينة الزين
قومي وغني لي مع الشاذليه

. قومي وصحي نايمين الشياطين
اللي براسي يوم بقعا ثنيه

. اللي لها باسفار فكري ميادين
منذ ُ زمن بافكاري الجرهديه

. نامت زمانين تلتها زمانين
والله ولولا الله ماهي رديه

. واليوم زعلها كلام وعنواين
في حق سيد الخلق خير البريه

. سيدي ومذخوري على العسر واللين
واحب واغلى حيل من والديّه

. الهاشمي راس الشرف والميامين
راع الشداد وذروته والمطيه

. اليعربي سيف على الشر والشين
رجل الوفا راع اليدين السخيه

. احمد .. محمد .نعم خير المسمين
الماحي . اللي حطم الجاهليه

. الحاشر الشافع جليس المساكين
الفاتح العاقب رضا الله نبيه

. المصطفى خاتم ختام النبيين
نور الليال الخرمس السرمديه

. سلطان ما تسوى ثراه السلاطين
اصل الكرم راع الكفوف النديه

. صاحب سيوف ٍ ناشت الهند والصين
بالحق سل اسيوفه الصيرميه

. سحاب خير ٍ يمطر يسار ويمين
حتى غدت منه البسيطه عذيه

. رحمة كريم مرسل ٍ بالبراهين
بالحق والرحمه وبالمقدريه

. اعزنا به بعد كنا ذليلين
نتبع سراب ٍ الهون والمهميه

. تشخص نواظرنا مع نازح البين
ونهج خالين ٍ اجعبنا خليه

. حتى ظهر خيرة بشر ثاني اثنين
واسعد بشر عاش الاخوه خويه

. والنور عم وقامت امه على الدين
والفضل للخلاق جزل العطيه

. ثم احمد المختار نسل الكريمين
سيد ولد ادم صباح وعشيه

. واليوم صرنا في زمان الكراعين
ومن بعد أميّه غطرفي يا أميّه

. شفنا الزنيم بن الزنيم ابو وجهين
نسل الوطى وبن الزني والوطيه

. نطفة خنازير الخنا وصخة الطين
اكرمكم الله يالوجيه الرضيه

. شفتوا صور زيف الملاعين بالعين
واكيد عذري مثل هضبة طميه

. تف ٍ على روبين وكلاب روبين
واعم به روم ٍ ارممها رميه

. وامر به شارون عشره وعشرين
واللي معاه من اعملاه الخفيه

. ما همنا كيد اليهود الملاعين
اللي قهرنا بعض ناس ٍ غبيه

. منا وفينا واحبلوا الشر حبلين
روس النفاق اللي تحوف الشويّه

. من جنسنا ومن اصلنا يافلسطين
مير البلا من هو يعرف البليه

. وان جات لمناطح خيول المغيرين
حنا عذاب الخيل والعيطليه

. حنا هل الاسلام حنا المصلين
حنا هل التوحيد واهل الحميه

. حنا نجوم الليل حنا المجانين
لا ولعت نار الوغى عنصريه

. حنا دعاة الحق وانثور وانبين
لا بانت وجيه ٍ الاعادى جليه

. نهجم على العادي سواة الشياهين
وانشوم من سلمى والانفس غنيه

. سمحين لين ولا قسا الوقت شرسين
نضرب سخط فالارض ضرب ابرديه

. واحمد معلمنا المراجل من اسنين
قدوة وروحه في محبيه حيه

. نتبع طريقه في جميع الميادين
بالخير ابد ما نضمر الشر نيه

. ننهل من الدين المطهر منادين
الله اكبر والسلام التحيه

. عشنا وشفنا انواع كيد الخبيثين
ونصد عن عورة عراة عريه

. شفنا الضعيف اللي كشف للملايين
عن حيلة يقصد وراها الاذيه

. سلم على اروبا بلاد الكسيفين
وازهم كنايس عابدين الحنيه

. واعبد صليبك وان ما كفى صليبين
ربك حسب صلبانك المعدنيه

. والا رسول الله حشاه التخامين
وش لون ترسم صورة ٍ له كذيه

. واحنا مع قبره وفي عام الا لفين
ما قط . تخيلنا نحصل حليه

. يامهزله صور فراشه وتنين
وارسم اميرة مملكتك الدنيه

. صور عجوزك بالقلم والتلاوين
والمس وبوس اجزا جسدها الطريه

. والله يكرمنا من اهل البراثين
واللي قهرهم كل نفس ٍ نقيه

. مبروك هيضني كلام ٍ على أين
وانأ كلامي زين ما شفت زيه

لكن صدقني ترا العلم بعدين
رد البرا وان قاله الله شويه

. اصبر يا بو سالم معي عام عامين
وانا معك باصبر وصبرك عليه

. لو طالت المده ترا للولد دين
ويقوم له لا حان موعد مجيه

. وانت الولد وانا الولد والشقا حين
ويروح وتعل القلوب الشقيه

. الى متى واحنا عليها مقيمين
لا صار ما عشنا حياة ٍ هنيه

. يالله دخيلك من حياة المهانين
ويالله دخيلك من حفوف الرزيه

. ومن حيلة الطاير بليا جناحين
ومن حيلة الضعفه ورزق المهيه

. ومن حسرة الحره تحت سطوة القين
ومن لهفة الطرقي على شوف حيه

. هذا وصلى الله على وسلم بلايين
على محمد دام بقعا مديه

. وانا باعوود لين ؟ مدري متى لين ؟
لكن ليا جا العلم نادوا عليه

. حاضر مع اهل الدين في خدمة الدين
وان برت في ما قلت تقطع يديه

. ان قرقحت ماني سليل القحاطين
ان ما منحت الروح لااأحمد هديه