افكآريــ ** - منيف بندر آل روق
آه ليت افكاري غيوم ويسيلها القلمكان ماظل بأحاسيسي كلام ماانكتبمن حكى .. لايحسب حساب التشره والندممن سكت .. لايحسب حساب السوالف والصخبكل من يلزم حدوده يامن جروح السهمكل من جاوز حدوده يحذر جموح اللهبالأدب والدين دايم يعتبر مثل الحكموالحكم ماهي بدايم تعتبر دين وأدبيوم قام الراعي يهش بأغانيه الغنمقامت الصحرا واهلها تقتفيه بلاسببمنهم اللي قام يصرخ : غامض هذا النغممنهم اللي قام يحكم : فاجر هذا الطربمادروا بالصبح لاكسر أمانيه وظلممادروا بالليل الاسود لامشى فوق الهدبمادروا به .. كل ما في داخله حلم انهدمينبني في خارجه قصر تمناه السحبكان يقنعهم بان الكذب ابن عم الوهمكان يقنعهم بان النجم ابن عم الشهبكل شاعر لوقدر ينصف أحاسيسه حكمماشكى احمد غربته في مصر – بغداد – وحلبنخلة جاها الهبيل وثم بالقاع ارتطمداخ يوم انه حسب له قدرة يعد الرطبواعذاب السيد اللي اغدروا فيه الخدمعاش عمره لين شاف المر وصنوف العجبمادرى اللي هو وربعه حاولوا بيع الهرمبان هذيك الخيانة مامحت هذا اللقب !!جاهم الفعل الذي مايرتفع بعده خشمطاح كل من طاح تاليها انسكب كل ماانسكبكيف هالحين يتفلسف هو بقى بالوجه دمبعد ماسال اعترافه فوق كرسي من خشب ؟النذل يومه يحس ان الوفا ماله طعمعذره ان الطيب في داخل شرايينه نضبالأصيل اللي الحضارة ماتنسيه القيموالكريم اللي تساوى الرمل عنده والذهبوالعفيف اللي بفعله قبل قوله محتشموالمنافق من يصلي وان لقى فرصة لعبوالكذوب اللي بوقت السلم غنى للعلمأجمل أشعاره ولو هي ثارت الهيجا هربوالرجل لو ذاق ماذاق يتمسك بالشيميقبض عنان العواطف وان صهل فيه الغضبالشنب .. ماهو بدايم رمز ابيض للكرمالبعض ماعاد يهم ان كان في وجهه شنب !البعض ميت .. ولو هو كان تمشي به قدمالبعض حي .. ولو هو مندفن تحت التربصار معدوم الحيا يلبس ثياب المحترموصار كساب الوغى يدعى ضعيف ومنسحبكل مفهوم اختلف في واقع مثل الأصموالردي حاول يخفي شره بخير النسبناس اساميهم عرب بس بفعايلهم عجمناس اساميهم عجم بس بفعايلهم عرب !......................أمس انا ونيت ونة من فقد له ولد عموامس انا ونيت ونة من عن الدار اغتربونة اللي عاش وحده كن ماحوله عدمونة اللي ماقدر يفرح بكل اللي كسبونة اللي مايفارقه الوجع لوهو كتمونة اللي مايفارقه الظما لوهو شربقلت ياربي تصبرني على هذا الألمقلت ياربي تقويني على هذا التعبقلت ياربي وانا انسان من دم ولحملو يشوف الشين طق ولو يشوف الزين حببترك الايمان فيني يحلم بهدم الصنمواترك النيران حولي تكشف اسرار الحطبوالعزا .. محد من صروف الزمن هذا سلموالفتى يرضى بما قدر له الرب وكتبالشاعر / منيف آل روق
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.