الله يا اللي ما بعد خاب سايله
يا سامع الصوت من راس قايله
يا ربي ورب المخاليق كلها
تشفي عليل ما تداوي علايله
سلام يا شيخ سمعنا بسمعته
بو خالد اللي تفتخر به قبايله
الشيخ ابن جلبان منصى الركايب
لا وصله الطرقي وحلت رحايله
مقدم بني عم تنومس فعولهم
دعوى البجادي نايل الطيب نايله
قلته وحنا كلنا من قبيله
قيف اشهران اللي خذا كل طايله
يا شيخ ابن جلبان يا حضرة اللواء
حي الحصيل وحي من هي حصايله
مدير شرطة عاصمتنا الحبيبه
الله يعزه مخلص في عمايله
اجيت زاير غير ناوي بجيته
ودي بعرفه طول الله مهايله
والله رب البيت عالم بنيتي
اني من الديره على طول جايله
بو خالد يا فزعتي يا سنايدي
جيتك وحملي فوق الامتان شايله
ادور العراف واحب شورهم
واجنب العذال واترك عذايله
حدتني الدنيا على غير ودي
ابن ادم مسير والارواح زايله
اشوف عين العز فيها مذله
من حدته دنياه ضاعت صمايله
لولا رجا الله ثم فزعة سنافي
شفت النجوم اللي يقولون قايله
والله ما انصى غير شيخ مجرب
ما كل براق نشوفه نخايله
الطيب ارزاقه تعم القبايل
واللاش رزقه ما يكفي عوايله
ياكم عرفت الناس قاصي وداني
لقيت خلق ما تشابه فصايله
جمايل الرجال لا تعب فيها
الله يخيب من يضيع جمايله
وتمت وصلى الله وسلم على النبي
حساب ما نبت الورق في مسايله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.