يانجم ياللي عن سما خافقي غاب
وش غيبك عن الخفوق السماوي
مدري بدون اسباب ولا به اسباب
والا أنها كانت مجرد حكاوي
الأوله يبغالها شرح و أسهاب
والثانية تحتاج منك فتاوي
والثالثه صدمه و تفريقة احزاب
بلوى ولكن غير كل البلاوي
ياصاحبي مالي هينا غيرك اصحاب
بعيون قلبي والضمير الشقاوي
لو شفتلي صيت وذكر بين الاجناب
وربعي براسي يبعدون الهقاوي
تراي اعيش بغيبتك عيشة اغراب
واعيد للذكرى زمان الخلاوي
راسي من التفكير ياصاحبي شاب
تركتني لجور السؤال اللحاوي
معقوله اللي مضى نظرة اعجاب
معقوله اللي مضى طيش غاوي
لا مستحيل لا و بسلم الاحباب
لان الهواوي ماله الا هواوي
تبعت من التفكير عن روضة هتاب
وجيتك وأنا كلي خضوع ورجاوي
قلي دخيل الله بلا حرقة اعصاب
أيش انت في شلب المعاليق ناوي
أن كنت ناوي تفتح لدمعي الباب
الدمع بعيون المفارق رهاوي
ما أقولك دمعي وقف بين الاهداب
أقولك خدي من الدمع راوي
وأن كانك تبي تعرف غلاتك ومرتاب
غلاك قسمني قصيد وغناوي
ما أنساك لوتنسى عنزه هيبة عقاب
ولو نسيت عتيبه فعول العطاوي
وأن كانها زله ورمح الندم صاب
وحبيت ترجع بس قلبك حياوي
تعال وألبس بالرضى قلبي اهداب
وانسى وانا بنسى يالقلب القساوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.