له يحسن عزاكم يالعوازم جميع
والشعر يارب في نواف تحسن عزاه
وتحسن عزا اهل الكويت اللي فجعها الفجيع
والمملكه واهلها واهل الخليج الغلاه
وانا هنا عن عرب شالح وربع الفديع
قحطان ربعي تعزي فيك حسب الوصاه
يا شاعر له مقام وله مكان رفيع
عليه دمع العيون يجّرح الخد ماه
انا قريت الخبر واكد نباه المذيع
والحمدلله على ما الله عطاه وخذاه
الله يالله يارحمن فرد سميع
يا سامعٍ عبدك اللي ماتخيّب دعاه
ان ترحمه في نهار به يشيب الرضيع
يومٍ يفر البنى ادام من هلّه واقرباه
وانزل عليه السكينه ياكريم بديع
يامن بيده التوكل والعفو والنجاه
ان ا شهد انه فقيده وامر ربي مطيع
والعبد يصبر على ماقدر الله وجاه
نواف منور من اللي صيتهم مايضيع
تبكيه عوص القوافي من غلاه ووفاه
والعامريه بعد نواف حملٍ وديع
قامت توّجد وجود اللي مفارق نماه
يا من عسفت اللحون وجبت شي فضيع
محراف شعر النبط عليك ينعى غناه
وقفتك ياسيد المحراف وقفة شجيع
وقفت شجيع تهابه في الملاقاء عداه
ماعاد يلحقك يانواف شرهه وريع
تاريخك ابيض ونجمك عالي في سماه
ياجعل قبرك عليه يهل وبل الربيع
ياشاعر طول عمره مانزل مستواه
مضواح بن شتوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.